தை மகளே

புத்தாண்டு வந்ததென்று
புகழ்பாட வந்தாயா
செத்தான் தமிழனென்று
சிரந் தாழ்த்தி வந்தாயா

வித்தாரத் தை மகளே

கொத்து கொத்தாய் மடிந்த இனம்
குலம் தழைத்து வாழ்ந்திடுமா
சொத்து பத்தாய் சேர்த்துவைத்து
சொந்தத்துடன் வாழ்ந்திடுமா மகளே

பித்தானோம்
பிழைப்பிழந்தோம்
இத்தரையில் எங்கேகி
எம் வாழ்க்கை தேடுவது


கொத்து கொத்தாய் மடிந்த இனம்
குலம் தழைத்து வாழ்ந்திடுமா
சொத்து பத்தாய் சேர்த்துவைத்து
சொந்தத்துடன் வாழ்ந்திடுமா