அவள்

கனவிலும்

அவள் நினைவாய்த்தான்

இருந்தேன்

நினைவிலும்

அவள்

கனவாய்த்தான்

இருந்தாள்

உமிழ்வின் வீச்சம்

உமிழ்ந்தது சோதித்து
உள்ளிருப்பு அறிவி

உமிழ்வது பலதிறம்
உமிழ்ந்ததும் பல நிறம்

உண்டது செரியாமை
பயிற்சி
உள்ளேயே தேனாக்கல்
முயற்சி

உண்ணாது உமிழ்தல்
ரோகம்
உண்டதாய் உமிழ்தல்
துரோகம்

கண்டு கேட்டு உற்று உண்டதெல்லாம்
உமிழ்ந்ததன் கண்ணே உள

முகர்ந்து பார்த்துரைக்க
முப்பது நொடி போதும்
மூழ்கி முத்தெடுக்க
முந்நூறும் போதாது

உண்டுண்டு உமிழ்ந்தோரே
உமிழ்வுண்ண சிறந்தோராம்

உமிழ்ந்தது சோதித்து
உள்ளிருப்பு அறிவி

(வைஸ்யா கல்லூரி தமிழ் இலக்கிய மன்ற பருவ இதழ் "மாணவர் சுடர்" -இல் வெளி வந்துள்ளது)

வெண்பாவும் உண்டு

அன்றாடங் காய்ச்சியாய் ஆகிவந்த பொய்யனாய்
பெண்டாட்டி தாசனாய் பேறுபெற்ற தாதையாய்
கொண்டாடும் கூத்தனாய் கூறுகெட்ட மாந்தனாய்
திணடாடும் வாழ்வு எனக்கு

எனது நூல்கள்

இவை இம்மட்டே - கவிதைத் தொகுப்பு
யானை பிழைத்த வேல் - கட்டுரைத் தொகுப்பு

அவள் முன்பாய்

அந்த விளக்குகளை
அவள் காலடியில் வைக்காதீர்
அவள் விழிஈரம் கசியும்
முகம் காண இயலவில்லை

அந்த விளக்குகளை
அவள் தலைமாட்டில் வைக்காதீர்
அவள் நகத்தோரம் நெளியும்
நிழல் காண இயலவில்லை

அந்த விளக்குகளை
அவள் முன்பாய்
தகு தூரம் தள்ளி வையுங்கள்
இடையூறுகளின் அழகை
இமை மூடாது ரசிக்கலாம்

அந்த விளக்குகளை
தகு தூரம் தள்ளி வையுங்கள்
அவள் முன்பாய்

கவிதை புரியனுமா

வருங்காலத் தமிழ்க் கவிதை
சீனரிக்க மொழியில்தான்
எழுதப்படும்

புரிகிறதா
நீ
நச்சினார்க்கினியனின்
பேரனாகவோ பெயர்த்தியாகவோ இருக்கலாம்

புரியவில்லையா
நீ
ஒரு வருங்கால வாசகனாகி விட்டாய்

கனவாய்

கனவிலும் அவள்

நினைவாய்த்தான் இருந்தேன்

நினைவிலும் அவள்

கனவாய்த்தான் இருந்தாள்

தந்தைப் புலம்பல்

பிறந்த வீட்டில்தான்
சிறந்து வளருமென
கங்கைகள் நினைக்கையில்
நீரில் மூழ்கியே
நிர்மூலமாவதாய்
சாந்தனுக்கள் புலம்புகிறார்கள்

வினவலின் தொலைவுக்குள்
விரிகிறது வாழ்க்கை

மர நிலா

அஞ்சி அஞ்சி

பின்தொடர்கிறது

மர நிலா