உமிழ்வின் வீச்சம்

உமிழ்ந்தது சோதித்து
உள்ளிருப்பு அறிவி

உமிழ்வது பலதிறம்
உமிழ்ந்ததும் பல நிறம்

உண்டது செரியாமை
பயிற்சி
உள்ளேயே தேனாக்கல்
முயற்சி

உண்ணாது உமிழ்தல்
ரோகம்
உண்டதாய் உமிழ்தல்
துரோகம்

கண்டு கேட்டு உற்று உண்டதெல்லாம்
உமிழ்ந்ததன் கண்ணே உள

முகர்ந்து பார்த்துரைக்க
முப்பது நொடி போதும்
மூழ்கி முத்தெடுக்க
முந்நூறும் போதாது

உண்டுண்டு உமிழ்ந்தோரே
உமிழ்வுண்ண சிறந்தோராம்

உமிழ்ந்தது சோதித்து
உள்ளிருப்பு அறிவி

(வைஸ்யா கல்லூரி தமிழ் இலக்கிய மன்ற பருவ இதழ் "மாணவர் சுடர்" -இல் வெளி வந்துள்ளது)